بيتهيئلي

بيتهيئلي انا عقلي اتجن
بيتهيئلي الناس بتحن
بيتهيئلي عيونه بتسبل
هل بيمثل وبيستهبل
ولا يكون نايم بيعسل
بيتهيئلي عايز يتكلم
شكله مسهم
بس الحب ف عينة بينط
سبل تاني وانا في مكاني
خايفة ليهرب مني يكت
مش علي بعضة ولية متلخبط
بعد جوازنا حيمشي مظبط
يالا ياسوسة يا ساهي
ياحوسة
قولي بسرعة عايزك ليا تكوني عروسة
وقف الواد وبيتحنجل
قرب بقي وتعالي وميل
جة مكسوف
كان مكسوف
قالي يافندم
عايز اتكلم
من تليفونك
ممكن حتي ولو بفلوس
قولت في بالي دا واد مفقوس كل دي حجة عشان يتعرف
اما صحيح الواد مهووس
قولتله ماشي يالا اتكلم واوعي تطول
خد تليفوني وقال يافكيك
يالهوي عليك
شكله حرامي
طب وغرامي
طب احلامي
حتي عنيا وسحر قوامي
ما اثروا فيك
كل دا يعني عشان تليفون
سابني في حيرة
وكلي شجون
بس الغلطة دي كانت مني اني ما خبتش التليفون